Gerelateerde Artikelen

• Gert-Anne van der Bos prolongeert koningschap 0 11.sep
• Formatie Tineke Dijkstra wint verrassend in Berltsum 0 22.aug
• Partuur Aniek Koopmans wint in Arum 0 09.jun

Willem de Haan. Bysûnder en markant keatsbestjoerder. Mids 90er jierren oant it begjin fan dizze ieuw makke Willem de Haan diel út fan it haadbestjoer fan de KNKB. Hy wie ien fan de bestjoerders dy’t de keatssport op in heger plan brocht hawwe mei kreative en foarútstribjende ideeën. Meibetinker fan de geweldige kompetysjefoarm Yn it fjoer fan it spul. Kommersjeel altyd dwaande. Helle mei foarsitter Sake Saakstra en in pear oaren Philishave binnen as haadsponsor fan it keatsbûn, neidat de Friesland Bank  ûnferwacht ôfheakke. Helle trije jier letter dy selde bank wer binnen tsjin superbetingsten. Wie altyd dwaande foar sýn keatssport.

Mar Willem de Haan wie mear. In wâldpyk yn ieren en sinen. Rjocht foar de raap. Rjocht troch  see. Altyd dwaande. Yn de keatssport koenen je net om Willem hinne. In man boppedat mei in geweldich gefoel foar humor. Willem de Haan hat de keatsssport mei syn krewearjen in stik moaier makke.

Juster ferstoar hy. 72 jier. te jong. Yn it bywêzen fan syn frou Marrie en syn bern Maria, Pieter Willem en Ieme. De lêste dûns fan Willem en Marrie gie op de muzyk fan Bette Midler. The Rose. Ta neitins oan in bysûnder man.