Ferskate keatsferieningen sjogge ôf fan haadklassepartij: KNKB komt byinoar

Geert van Tuinen
By Geert van Tuinen juli 6, 2020 21:29

Ferskate keatsferieningen sjogge ôf fan haadklassepartij: KNKB komt byinoar

It liket der op dat der in soad keatsferieningen binne dy’t ôfsjogge fan de organisaasje fan in haadklassepartij. Keatsbûn KNKB hat moandei in bywurke aginda publisearre en dêr docht út bliken dat nei Minnertsgea ek de haadklassepartijen yn Makkum (18 july), Seisbierrum (25 july), Arum (26 july) en Wytmarsum (2 augustus), Kimswert (16 augustus) en Bitgum (23 augustus) net trochgean. De ferieningen sjogge it mei de jildende foarskriften net sitten om dy partijen te organisearjen.

LKC Sonnenborgh, dêr’t snein noch keatst is troch fjouwer partoeren, sil nei alle gedachten moandeitejûn in beslissing nimme oer de organisaasje fan de Rengerspartij op snein 19 july.

Teloarstelling

De KNKB is teloarsteld oer it frij grutte tal ôfmeldingen. It haadbestjoer komt moandeitejûn byinoar om de aktuele situaasje te bepraten. Dan wurdt miskien ek dúdlik hokker ferieningen dy’t foar 11 july op de aginda stiene, ree binne om in datum yn te foljen dy’t no frij komt. It is op dit stuit noch net dúdlik hoefolle keatsferieningen in haadklassepartij oernimme wolle.

De Frouljus PC is op de aginda ferpleatst fan 9 augustus nei snein 27 septimber.

Geert van Tuinen
By Geert van Tuinen juli 6, 2020 21:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

*

Websponsors

Frythermo vloerverwarming

Recente reacties

  • Ate de Jong

    Ate de Jong

    De PC wit dy dan grif te finen Sjoerd!

    View Article
  • Ate de Jong

    Ate de Jong

    Ids wit jim grif te finen!

    View Article
  • Sjoerd Hofstee

    Sjoerd Hofstee

    Prachtig idee Ate! As dit plan wurkelikheid wurde kin en 'moat', mei de PC ús yn Reduzum wol benaderje. Wy…

    View Article

Websponsors

Taxi van der Bles
Horeca Straatkaatsen Leeuwarden
Geert van Tuinen producties
Alfa Romeo Berlikum
Jansma Burdaard
Jaap Breman Schoonmaakgroothandel