Gerelateerde Artikelen

• Lijst Weidum 44ste Frouljus-PC dd zondag 27 september 2020 0 23.sep
• Wedstrijdlijst Huizum dames hoofdklasse vrije formatie zondag 24 juli 2022 0 19.jul
• Trio Bertus Bootsma wint heren 50+ A-klasse in Goutum 0 10.sep

Op de dei fan de loting fan de PC hearde ik dat âld-keatser Johannes van der Meij ús ôntfallen is. Der skrok ik fan want Johannes kaam ik sa no dan tsjin op de haadklasse partijen. Hoewol beheind troch syn sykte wie Johannes der by as it heal koe. Johannes liet net sa gau de holle hingje en wie altyd blier yn it petear.

Ik kom Johannes syn namme foar it earst tsjin op de bond foar skoaljonges. Wy prate dan oer it jier 1963. Mei Gelf Fokkema en Riemer de Jong wint hy foar Menaam de priis. Yn 1972 komt Johannes foar it eart út op de earste klasse partijen no haadklasse. Hy slaat dan net foar bêst op mar dat sil rillegau oars wurde. Johannes sil krapoan 15 jier aktyf wêze op de earste klas partijen. Yn dy tiid slaat hy 231 punten byelkoar. Hy stiet 69 kear yn in finale en wint der 29 fan. Boppedat pakt hy ek noch 64 lytse preemjes. Fiif kear waard hy kening fan de werfan twa kear yn Moarre (1976 en 1981). It bêste jier foar Johannes wie 1978 mei 37 punten wat goed wie foar in 11^de plak yn it jierklassemint foar bygelyks Johannes Brandsma mei 36 punten.

Op de PC koe Johannes ek aardich út de fuotten. Hy stie sawol yn 1977 en yn 1980 yn de finale mar koe de winst net pakke. Yn 1977 keatste hy mei Johannes Westra en Minne Hovenga mar ferlear de finale fan Sjouke de Boer, Klaas en Wybren van Wieren. Yn 1980 kaam hy mei Johannes Brandsma en Reinder Triemstra ek wer yn de finale mar no wie it partoer fan Sake saakstra, Piet Jetse Faber en Flip Soolsma dy’t der mei de krânse fan troch gongen. Der njonken noch trije lytse preemjes yn 1978, 1979 en yn 1985.

Yn 1987 nam Johannes ôfskie fan it keatsen. Fan syn freonen krige hy op de Aldehou in baarchje. Dat wie nammentlik syn bynamme yn it keatsen.