Gerelateerde Artikelen

• Wedstrijdlijst Holwerd heren senioren d.e.l. donderdag 27 april 2023 0 24.apr
• Wedstrijdlijst Sint Jacobiparochie heren 50+ d.e.l. zondag 23 juli 2023 0 19.jul
• Wedstrijdslijst Ingelum heren tweede klasse vrije formatie zondag 31 juli 2022 0 26.jul

Ik wist al in lange tiid dat Géjanna slim siik wie. In striid dy’t hja net mear winne koe. Géjanna wie net net fan opjaan mar hjir moast se op har 48^ste dochs belies jaan. As famke fan krapoan 14 kaam se al yn it grutte spul.

Géjanna wie net in útsunderlik talint mar troch in soad te trainen op de opslach waard se ien fan de beste opslagers ea. Twa kear yn de wike waard de reis nei Boalsert ûndernommen en dan waard der op it keatsfjild fûleindich opslein. Géjanna fûn dat se dat nedich hie om de top de berikken.

Fêstichheid en konstant wêze dat wie de kreft fan Géjanna. Dat makke har ta in geweldige opslager. En dat die fertuten. Mei Afke Hijlkema wûn se fan 1997 oant te mei 2006 mar leafst 9 kear de Frouljus-PC. Allinne yn 2002 gong it yn de earste omloop mis.

Foar kv Boalsert wûn se trije kear de bûnspartij t.w. yn 2002, 2006 en 2009. Yn goed 20 jier (1992-2012) keatste se 704 punten byien. Yn it keatsklassemint fan alle tiden stiet se op it twadde plak efter Afke Hijlkema. Nei har keatskarrière hat Géjanna har ynsetten foar it skoalkeatsen wêr’t se mei de dochter fan Sjouke de Boer ien fan de driuwende kreften wie.